Elbasynyń tapsyrmasyna sáıkes balalar men jastardyń ǵylymı-tehnıkalyq shyǵarmashylyǵyn damytý jóninde 2015-2018 jyldarǵa arnalǵan júıeli sharalar kesheni ázirlendi. Jýyqta Astanadaǵy Oqýshylar saraıynda Bilim jáne ǵylym mınıstrligine qarasty «Respýblıkalyq qosymsha bilim berý oqý-ádistemelik ortalyǵy» mekemesiniń bastamashylyǵymen osy baǵdarlama talqylandy. Munyń jumysyna Parlament Májilisiniń depýtattary, birqatar mınıstrlikterdiń, Ulttyq kásipkerler palatasynyń ókilderi Astana jáne Almaty qalalary men oblystardaǵy bilim basqarmalarynyń, tehnıkalyq shyǵarmashylyq ortalyqtardyń, jas tehnıkter stansalarynyń basshylary qatysty.
Otyrysta Respýblıkalyq qosymsha bilim berý oqý-ádistemelik ortalyǵynyń dırektory Raısa Sher atalǵan baǵdarlamamen jınalǵandardy tanystyrdy. Onda balalardyń bos ýaqytyn qosymsha bilimmen uıymdastyrý, balalar men jasóspirimderge arnalǵan qoldanystaǵy zańnamalardy jetildirý, jastardy tehnıkalyq saýattylyqqa tárbıeleý máseleleri qamtylǵan.
Atalǵan máseleni talqylaýǵa Parlament Májilisiniń depýtattary Ásııa Bımendına, Aıgúl Soloveva, «Astana EKSPO-2017» UQ» AQ basqarýshy dırektory Saltanat Rahymbekova, «Nıýton – ál-Farabı» halyqaralyq áriptestik baǵdarlamasynyń menedjeri R.Kennedı, birqatar bilim basqarmalary men mektepterdiń basshylary qatysyp, óz usynystaryn ortaǵa saldy.
Otyrys sońynan balalar shyǵarmashylyǵyn damytý isine úles qosyp júrgen birqatar adamdarǵa Respýblıkalyq qosymsha bilim berý oqý-ádistemelik ortalyǵynyń alǵys hattary tabys etildi.
Suńǵat ÁLIPBAI,
«Egemen Qazaqstan».
Sońǵy jańalyqtar
Qoǵam • Keshe
Moıynqum aýdanynda órt sóndirý bólimi ashyldy
Aımaqtar • Keshe
Bıyl elimizde jarty mıllıonnan astam adamdy jumyspen qamtý josparlanǵan
Qazaqstan • Keshe
Aleksandr Býblık Dýbaıda ótip jatqan týrnırdi sátti bastady
Tennıs • Keshe
Eınshteın ózin «alaıaq» sezingen be?
Qoǵam • Keshe
